ВМРО-ДПМНЕ: Тоа што лани можело да се купи за 18.000, сега треба со 19.200 денари

Стапката на инфлација која ДЗР ја објави дека изнесува 6.7% сериозно ги нагризува платите. Секој работник во Македонија има по минимум 1.000 денари помалку како резултат на инфлацијата сега, во однос на пред една година, велат од партијата.

Додаваат дека таргет на инфлацијата се сите подеднакво, и помалите и повисоките примања. Токму затоа предложиле зголемување на пензиите и платите во јавниот сектор, кој предлог СДСМ го одби.

Потребни се итни и суштински мерки. СДСМ покажа дека не може да ги спроведе, нагласуваат од ВМРО-ДПМНЕ.