Ковачевски: Осуда за одлуката на Русија за признавањето на Донецк и Луганск

Премиерот Димитар Ковачевски преку својот „Твитер“ профил ја осуди одлуката на Руската Федерација да ги признае регионите Донецк и Луганск во Украина како „Народни Републики“.

„Ја осудувам одлуката на Русија за признавање на Донецк и Луганск како самонаречени Народни Републики. Ваквиот чин е директен напад врз територијалниот суверенитет и интегритет на Украина и кршење на договорите од Минск и одлуките на Советот на ООН од 2015. Заедно со НАТО сојузниците повикуваме на решавање на конфликтот по дипломатски пат“, напиша премиерот Ковачевски на социјалната мрежа.