Германија го стопира „Северен поток 2“ поради потезите на Русија
„Ситуацијата денеска е сосема поинаква од пред неколку дена и затоа треба повторно да ја анализираме. Побарав од Министерството за економија да го повлече документот од процедура и со тоа да го оневозможи сертификатот за гасоводот Северен поток 2“, изјави германскиот канцелар.
ЕУ ќе одговори со санкции на одлуката на Русија да ги признае Доњецк и Луганск, изјави денеска германскиот канцелар Олаф Шолц. Тој наредил и повлекување на документите, со што се оневозможува доделување сертификати за отворање на гасоводот „Северен поток 2“.
„Ситуацијата денеска е сосема поинаква од пред неколку дена и затоа треба повторно да ја анализираме. Побарав од Министерството за економија да го повлече документот од процедура и со тоа да го оневозможи сертификатот за гасоводот Северен поток 2“, изјави германскиот канцелар.
Шолц рече дека Европа се соочува со тешки денови и дека 80 години по Втората светска војна, во Европа се заканува нова војна.
„Наша одговорност е да го спречиме тоа. Апелирам до Русија да ни помогне во тоа“, истакна Шолц.