Хеликоптерска несреќа во близина на ски-центар

Два хеликоптери „блек-хок“ се урнаа во близина на ски-центар во Јута за време на тренинг-обука во зимски услови. За среќа нема повредени членови на екипажот, ниту повредени скијачи кои биле на блискиот ски-лифт во време на несреќата.

Портпаролот на националната гарда на Јута, Џеред Џонс, изјави дека ова е ретка несреќа што се случува за време на стандардна тренинг-обука.

Не даде информации за причината за несреќата, но рече дека се во тек напори да се испита инцидентот и да се отстрани оштетената опрема од планината.