Несреќите при работа се почести ,Синдикатот бара бенефицираниот стаж

Несреќите при работа стануваат се почести, 30-годишен рудар  загина во рудникот САСА, а градежен работник во Скопје падна од 8 метри височина и се здоби со сериозни скршеници .Овие две  несреќи се нова опомена дека  постојано треба да се почитуваат сите предвидени     мерки за заштита при работа .

Синдикатот засега не коментира и најавува заедничка прес-конференција  со Трудовата инспекција  и детална анализа  за причините  и за мерките за подобрување на состојбите .Истовремено, Синдикатот на градежниците  бара доуредување на  правото на бенефициран стаж . Звучи  чудно, но досега ниту едно работно место во градежниот сектор и во  градежната индустрија нема бенефициран стаж , иако условите за работа се меѓу најтешките.

 ,, 64 години за маж и 62 за жена , за оние кои се оперативци и се на терен и работат на енормно високи и енормно ниски температури ,не гледам зошто не би се овозможило ова ,што ние денеска го предлагаме  и истовремено да се поттикне свеста на работодавачите дека безбедноста и здравјето се основен сегмент за кој секој треба да се грижи .”-вели Павел Трендафилов ,претседател на Синдикатот за градежништво  и индустрија.

Ќе се постигне троен ефект, тврди Синдикатот. Работниците ќе можат да заминат достоинствено во предвремена пензија, работодавачите ќе можат да вработуваат помлади луѓе и на тој начин ќе  се поттикне вработеноста .За првпат предлогот на Синдикатот го поддржале  и работодавачите што овозможува почнување на процедурата за проширување на правилникот за утврдување работни места со зголемено траење.Тоа значи дека во догледно време бенефицираниот стаж ќе стане реалност и за: кранистите,армирачите, браварите,ракувачите со тешки градежни машини .Сите се согласуваат дека трошокот за градежните компании   ќе биде минимален ,а ефектите во работењето неспоредливи .