Продолжува кампањата на претседателските кандидати
04.04.2014 09:31
Кандидатите за претседател на Република Македонија денеска ја продолжуваат предизборната кампања со митинзи и средби со граѓани во повеќе градови и населени места...
Ѓорѓе Иванов, претседателскиот кандидат на коалицијата „За подобра Македонија“ предводена од ВМРО-ДПМНЕ ќе одржи митинг во Куманово, а средби со граѓаните ќе реализира во Брвеница, Јегуновце и Липково.
СДСМ, со кандидатот Стево Пендаровски ќе има митинг во Охрид и средби со граѓани во Дебарца, Вевчани и Струга.
Коалицијата ГРОМ, со својот кандидат Зоран Поповски ќе одржи митинг во Кочани и средби со граѓани во селата Црник, Робово и Ратево.