Повисоки цени на горивата од полноќ

Се остварија прогнозите дека поради украинската криза ќе растат цените на енергенсите. Бензините и дизелот поскапуваат за денар и половина, екстра лесното за денар. Регулаторната комисија ја направи пресметката за неделава.

Од полноќ, бензинот од 95 октани ќе се продава за 84 денари, два денари поскап е бензинот од 98 октани, новата цена на дизелот е 75,5 денари, а за денар поевтино е екстра лесното. Поскапува и мазутот.

Во просек, малопродажните цени се зголемуваат за 1,93 проценти како резултат на повисоките цени на светските берзи и движењето на курсот на денарот во однос на доларот.