Бислимоски: Цените на струјата и на парното остануваат непроменети

Цените на берзите на електричната енергија, природниот гас и на нафтените деривати продолжуваат да растат, поттикнати од украинската криза. Од Регулаторната комисија за енергетика велат дека ситуацијата будно ја следат. За граѓаните, цените на струјата и на парното засега остануваат непроменети.

„Освен ако не се случи нешто драматично во однос на цената на природниот гас, не очекуваме да има било какви промени. Она што е битно во услови на криза, во еден невиден пораст на цените на светските берзи, успеавме во делот на цената на домаќинствата да одржиме ценовна стабилност“, изјави првиот човек на РКЕ, Марко Бислимоски.