Потребна е целосна имплементација на Конвенцијата за правата на лицата со попреченост
Земјата ја има потпишано Конвенцијата за правата на лица со попреченост, но во практиката, примената, на граница на непочитување, вели омбудсманот. Потребна е поголема инклузивност, има напредок, но треба да се прецизира законската примена, согласни се надлежните…
Македонија е потписник на Конвенцијата на ОН за правата на лицата со попреченост, но нејзиното спроведување е нецелосно, предупредува Народниот правобранител. Ова на Зибери му го посочиле сите 23 организации на оваа категорија граѓани. Закони има, но инклузивноста и остварувањата на нивните права сè уште се предизвик. Зибери вели – проблемот е системски и треба да се решава преку институциите.
Меѓународните организации посочија дека лицата со попреченост се соочуваат со бариери и се стигматизирани.
На конференцијата договорено е да се зајакне соработката помеѓу националните институции за човекови права во регионот и да се овозможи дијалог, но да се преземат и конкретни активности за лицата со попреченост.
Викторија Милевска