Украинската криза нема да го забави евроинтегративниот процес
Агресијата во Украина нема да го забави евроинтегративниот процес туку ќе го зајакне, уверуваат евроамбасадорите во земјава. Велат дека барањето на Украина за брз прием во Унијата не е приоритет, туку почеток на преговори со Северна Македонија и Албанија.
ЕУ има стратешка цел да ја види Северна Македонија во ЕУ. Агресијата врз Украина само ја зајакна важноста на евроинтеграцијата за безбедноста во регионот, порачаа европските дипломати Гир и Бонгартнер
Кризата во Украина нема да го забави евроинтегративниот процес на Северна Македонија и Албанија, велат европските амбасадори. Очекуваат што е можно побрзо да се отворат преговорите и внимателно се следи засилениот директен дијалог меѓу Скопје и Софија за отстранување на ветото за преговори.
По агресијата, Украина е поблизу до ЕУ, но барањето на Киев за брз прием во Унијата, не е приоритет на Брисел, туку изолација на агресорот. ЕУ за првпат во историјата купила и испорачала оружје за Украина, испорачува хуманитарна помош и се подготвува за прифаќање на бегалци од Украина.
Ирина Гелевска