Министерството за финансии исплати повисоки мартовски пензии
04.04.2014 12:23
Исплатата на пензиите се одвива и ќе продолжи да се одвива редовно првата недела во месецот...
Повисоки мартовски пензии добија пензионерите. На сметките на 285.637 пензионери префрлени се 3 милијарди 566 милиони денари, соопштија денеска од Министерството за финансии.
Минатиот месец пензиите беа покачени за 600 денари. Со тоа просечната пензија е зголемена за 62 проценти во однос на 2006 година и сега изнесува 12.450 денари.
Исплатата на пензиите се одвива и ќе продолжи да се одвива редовно првата недела во месецот. Поддршката на животниот стандард на пензионерите и социјалните категории останува приоритет на оваа Влада.