Нафтени деривати има, цените се високи во цела Европа

Нафтени деривати има, вчерашните гужви на бензинските пумпи претпладнево ги нема. Од полноќ бензините се поскапи за пет ипол денари, дизелот има повисока цена за 10 денари. Малопродажните цени се зголемени во просек за 10,21 насто. Под притисок на украинската криза, цените на нафтата и гасот на светските берзи уриваат рекорди.

Регулаторната комисија најави дека е принудена на дневна основа да ја регулира ценовната политика, под притисок и на курсот на доларот. Од таму со став, има доволно количества на горива, цените се високи во цела Европа, а ситуацијата непредвидлива, ценовните осцилации се во насока да се обезбеди сигурност и стабилност на пазарот. Владата пак прави анализи, сè уште не е познато како ќе им помогне на граѓаните да се заштита од ценовниот шок. Повикува на смиреност, велат се разгледуваат сите опции како да се ублажат последиците.

Работодавците бараат директни мерки за олеснување на работата на компаниите. Даночни олеснувања, субвенции на електричната енергија, поддршка за инвестиции. Владата заседава, премиерот веќе потврди дека се подготвуваат нов антикризни мерки за заштита на стандардот и буџетска поддршка на стопанството.