Бајден ќе забрани увоз на руска нафта, гас и јаглен
Бајден претходно се спротивстави на идејата за санкции кон руските енергенси велејќи дека не сака да им наштети на американските потрошувачи...
Американскиот претседател Џозеф Бајден се очекува денеска да го забрани увозот на руска нафта, природен гас и јаглен во САД, потврдуваат анонимни извори за СИ-ЕН-ЕН.
„САД потегот ќе го повлечат еднострано, без европските сојузници, поради несогласувањата меѓу европските држави околу тоа дали да забранат руски енергенси. Земјите од ЕУ се значително поизложени на руските енергенси, отколку САД“, изјави еден од изворите.
Бајден претходно се спротивстави на идејата за санкции кон руските енергенси велејќи дека не сака да им наштети на американските потрошувачи со потег што веројатно ќе предизвика повисоки трошоци за гориво.