СЕХА-лигата е прекината на неодредено време

Регионалната ракометна СЕХА-лига донесоа одлука да го прекинат натпреварувањето на неодредено време, со цел да се заштити регуларноста.

Конфликтот меѓу Украина и Русија имаше големо влијание и врз ракометното натпреварување бидејќи во групата Б се наоѓа украинскиот тим Мотор Запорожје, кој не може нормално да го продолжи настапот.

Засега не се откриваат повеќе детали од страна на СЕХА-лигата, па се очекува следно соопштение во кое ќе биде јасно што ќе се случува во иднина.

Во лигата се натпреваруваат и двата македонски клубови Вардар и Еурофарм Пелистер.