Ирвинг со 50 поени во победата над Шарлот

Експресно враќање на водечкiте екипи во западната конференција на победничките патеки.

Лидерот Феникс по поразот од Милвоки славеше на гостувањето кај Орландо со 102-92 за 52 сезонска победа со 13 порази. Второпласираниот Мемфис по изненадувачкиот пораз од фенерџијата Хјустон беше убедлив против Њу Орлеанс со 132-111 за потврда на второто место во конференцијата со 45 победи и 22 пораза пред Голден Стејт кој има победа помалку откако по серијата од 5 порази конечно славеше над Лос Анџелес Клиперс со 112-97.

Од друга страна серијата победи до 5 ја продолжи второпласираната екипа на истокот Милвоки по триумфот над Оклахома на гости со 142-115, а ефикасната вечер со по над 200 поени по натпревар со гостински победи ја надополнија и екипите на Кливленд кој славеше кај Индијана со 127-124 и Бруклин со победата кај Шарлот со 132-121 во натпревар во кој блескаше Ирвинг со 50 поени.