Потврдени 18 напади врз здравствени установи во Украина
„Здравствениот систем на Украина се покажа како исклучително отпорен, но насилството создаде повеќекратна здравствена криза“, рече директорот за итни случаи на СЗО, Мајкл Рајан.
Светската здравствена организација потврди 18 напади врз здравствени установи, здравствени работници и амбулантни возила во Украина, што резултирало со десет смртни случаи и 16 повредени, изјави шефот на СЗО, Тедрос Аданом Гебрејсус.
„Овие напади ја скратуваат здравствената заштита на целата заедница“, рече Гебрејсус.
„Здравствениот систем на Украина се покажа како исклучително отпорен, но насилството создаде повеќекратна здравствена криза“, рече директорот за итни случаи на СЗО, Мајкл Рајан.
Тој додаде дека речиси 1.000 здравствени установи, вклучувајќи болници и здравствени клиники, се на 10 километри од линијата на фронтот.