Дизелот поскапува, цената на бензините останува иста

Нови цени на горивата од полноќ. Регулаторната комисија  соопшти дека нафтените деривати ќе поскапат во просек за 1,67 отсто.

Малопродажните цени на бензините Еуросупер БС-95 и Еуросупер БС-98 не се менуваат и ќе останат 93 и 95 денари, додека малопродажната цена на Еуродизел се зголемува за три денари и ќе изнесува 97 денари.

Малопродажната цена на Екстра лесното масло за домаќинство се зголемува за 2,5 денари и ќе изнесува 92,50 денари, а на Мазутот се зголемува за 1,404 денари и ќе изнесува 60,569 денари за килограм.