Средба Османи- Петков

Министерот за надворешни работи, Бујар Османи за време на дипломатскиот форум во Анталија се сретна со бугарскиот премиер, Кирил Петков. Разговарале за украинската криза, но и за односите меѓу Скопје и Софија.

Оцениле дека билатералната соработка е динамизирана преку работните групи. Во однос на пакетот политички прашања, двајцата посочиле дека непосредната комуникација на политичко и експертско ниво е ефективен метод што ќе продолжи да се користи за продлабочување на односите и за подигање на нивото на политички дијалог.

Османи и Петков се надеваат дека процесот ќе резултира со заеднички прифатливи решенија за отворените прашања.