Министрите за одбрана на земјите- членки на НАТО в среда на вонреден состанок во Брисел

Министрите за одбрана на земјите-членки на НАТО ќе се сретнат в среда во Брисел на вонреден состанок на кој ќе разговараат за руската инвазија на Украина.

Генералниот секретар на НАТО Јенс Столтенберг вчера изјави дека Русија може да употреби хемиско оружје во инвазијата на Украина и дека таквиот потег би бил воено злосторство.

„Ројтерс“ пренесе дека Столтенберг за германскиот весник „Велт ам Зонтаг“ изјавил дека Кремљ измислува лажни изговори за да ја оправда можната употреба на хемиско оружје.