Дизелот поевтинува за три денари, цената на бензините останува иста

Нови цени на горивата од полноќ. Се намалува цената на еуродизелот, додека малопродажните цени на бензините еуросупер БС-95 и еуросупер БС-98, не се менуваат, остануваат на исто ниво како што биле утврдени со вчерашната одлука. Со тоа малопродажната цена на еуросупер БС-95 изнесува 86,50 денари за литар, а еуросупер БС-98 е 88,50 денари.

Цената на еуродизелот се намалува за три денари и ќе изнесува 85,00 денари. Малопродажната цена на екстра лесното масло за домаќинство се намалува за 2,50 денари и ќе биде 81,00 денар за литар.

Цената на мазутот е пониска за 1,615 денари за килограм и ќе изнесува 59,299 денари. Според Регулаторната комисија, со оваа одлука се врши намалување на малопродажните цени на нафтените деривати во просек за 2,50%.