Громогласен аплауз за „Идентитети – Историја на еден растегнат сон“ во престижниот Шајо во Париз

Громогласен аплауз за Скопје танцовиот театар синоќа во престижниот Шајо во Париз. За првпат танчарите на Рисима Рисимкин ја изведоа претставата „Идентитети – Историја на еден растегнат сон“ во Националниот театар за современ танц во Франција.

Станува збор за претстава со една поинаква естетика за која кореографијата е на Рисимкин, музиката ја напиша Тони Китановски, костимите ги изработи Благој Мицевски, а сценскиот дизајн е на Матеа Мијановиќ, публиката можеше да ја проследи на 10 март на големата сцена на Македонскиот народен театар, пред заминувањето за Париз.

Скопје танцовиот театар ќе настапи и вечерва и утре во Шајо во Париз.