Бензините поевтинуваат за два, дизелот за три денари

Бензините од ноќеска на полноќ поевтинуваат за два денари по литар, а цента на дизелот се намалува за три денари, соопшти Регулаторната комисија.

Новата малопродажна цена на еуросупер БС-95 изнесува 79,5 денари за литар, еуросупер БС-98 ќе се продава за 81,5, еуродизелот за 76, а екстра лесното масло за домаќинство за 72,5 денари за литар. За 2,228 денари за килограм се намалува и малопродажната цена на мазутот.

Со одлуката се врши намалување на малопродажните цени на нафтените деривати во просек за 3,31 отсто.