Брегалница победнички во Тетово, Вардар со бодови од Гостивар

Од двата денешни натпревари со кои беше отворено 26-то коло од Првата македонска фудбалска лига, привлечноста беше многу поголема од  дуелот во Тетово меѓу Шкендија и Брегалница. Шкендија по извонредната победничка серија против Вардар, Работнички и Хоризонт беше фаворит и во дуелот против Брегалница за влегување во многу по мирни првенствени води. Но, Брегалница  без ниту трага на инфериорност го одигра натпреварот со голема важност. Со головите на Наумов во 49-та минута и на Илиев во судиското надополнување ја извојува 5-та гостинска победа во шампионатот и се израмни на табелата со тетовските „црвено-црни“.

Во Гостивар Вардар, иако апсолутен фаворит долго го кршеше отпорот на последнопласираниот домашен тим. Петров погоди во 67-та, а Филип Ивановски го даде својот„првенец“  по враќањето во 76-та. Вардар со 2:0 го совлада тимот на Гостивар.

Утре ќе се одиграат преостанатите четири дуели од 26-то коло. Двојките се следниве: Во 16 часот ќе истрчаат :Металург- Еуромилк,  Напредок-Работнички и Македонија ЃП-Хоризонт. Натпреварот во Тетово меѓу Ренова и Пелистер е во 15 часот со пренос на МРТ.

Табела:

1.Пелистер        47

2.Вардар            45 (+1)

3.Работнички    44

4.Хоризонт        41

5.Металург        41

6.Шкендија        36(+1)

7.Брегалница     36(+1)

8.Ренова             33

9.Еуромилк        32

10.Македонија ЃП  23

11.Напредок       14

12.Гостивар        14 (+1)