Средба Ковачевски - Шолц во Брисел

Македонскиот премиер во Брисел се сретна со германскиот канцелар Олаф Шолц. Ковачевски го информирал за напредокот во дијалогот со Бугарија, за деблокада на нашиот интегративен процес и за почеток на преговорите за членство во ЕУ.

Ковачевски истакнал дека воената агресија врз Украина покажа дека проширувањето со земјите од Западен Балкан не е само прашање на проширување, туку и геостратешко позиционирање во регионот.

Според него, земјава целосно ги исполни условите за почеток на преговорите и затоа граѓаните очекуваат и Брисел да го исполни својот дел од обврската.