Македонија ја победи Италија, ќе игра со Португалија за пласман на светското првенство
Победата против актуелниот европски шампион во Палермо на стадионот „Ренцо Барбера“ ја донесе Александар Трајковски во 92 минута. Трајковски, кој е поранешен играч на Палермо, со прецизен удар од дистанца во судиското продолжение го совлада Донарума и донесе огромна радост...
Македонската фудбалска репрезентација вечерва ја совлада Италија со 1-0 и обезбеди пласман во финалето од баражот за пласман на светското првенство. Ќе игра против Португалија на 29-ти март.
Победата против актуелниот европски шампион во Палермо на стадионот „Ренцо Барбера“ ја донесе Александар Трајковски во 92 минута. Трајковски, кој е поранешен играч на Палермо, со прецизен удар од дистанца во судиското продолжение го совлада Донарума и донесе огромна радост на речиси 2.000 македонски навивачи во Палермо.
Италијанците играа офанзивно, а нивната најголема шанса за гол следуваше по половина час игра, откако Димитриевски му ја подари топката на Берарди, но со навремена интервенција го одбрани неговиот удар.
Македонската репрезентација е на чекор до историски пласман на светското првенство, а за тоа ќе биде потребна уште една победа на 29-ти март во Порто против Португалија.