Дизелот поскапува за два денара, цената на бензините останува иста
Новата малопродажна цена на евродизелот изнесува 86 денари за литар, бензинот од 95 октани ќе продолжи да се продава за 82, 98-ката за 84, додека екстра лесното масло ќе се продава за 81 денар за литар.
Дизелот од ноќеска на полноќ поскапува за два денара по литар, а цените на останатите горива остануваат исти, одлучи вечерва Регулаторната комисија.
Новата малопродажна цена на евродизелот изнесува 86 денари за литар, бензинот од 95 октани ќе продолжи да се продава за 82, 98-ката за 84, додека екстра лесното масло ќе се продава за 81 денар за литар. За 1,044 денари за килограм се зголемува малопродажната цена на мазутот и ќе изнесува 56,207 денари.
Со одлуката се врши зголемување на малопродажните цени на нафтените деривати во просек за 0,85 отсто.