ЕК: Методологијата на пописот е во согласност со сите стандарди

Како што е наведено во извештајот за Северна Македонија од 2021, законот и методологијата, врз кои се базирани подготвувањето, организацијата и спроведувањето на пописот, се широко усогласени со релевантните стандарди дефинирани со статистичкото законодавство на Европската Унија, вели портпаролката Ана Писонеро.

Пред неколку дена Европската Комисија го поздрави фактот што земјава конечно по 20 години спроведе попис, чии податоци се клучни за градење социјални, економски и демографски политики во интерес на сите граѓани на државата.