Почна исплатата на минималната плата од 18.000 денари

Почнува исплатата на повисоката минимална плата. Од денеска, околу 80 илјади работници ќе добиваат најмалку 18 илјади денари, како што се договорија социјалните партнери – владата, работодавачите и синдикатите.

Од Владата велат дека утврдената методологија овозможува континуиран раст на минималецот. Ова значи дека минималната плата не може да биде пониска од 57% од просечната плата.

Државата ќе го субвенционира делот врзан за придонеси за да го олесни процесот.