Утре претседателски и парламентарни избори во Србија

Претседателот Александар Вучиќ и владејачката Српска напредна партија очекуваат уште една победа на утрешните претседателски и парламентарни избори.

Опозицијата овој пат е само делумно обединета околу кандидатот за претседател, генералот Здравко Понош. Според анкетите претседателот Вучиќ повторно ја освоил довербата од мнозинството граѓани.

Се очекува да освои 60,1 насто од гласовите, а неговиот главен противкандидат, генералот Понош, може да се надева на само 16,4 отсто од гласовите. Другите шестмина кандидати имаат минимални шанси за успех.