Пелистер домаќин на Силекс, Македонија ЃП ќе гостува во Струга

ФФМ денес со ждрепка ги одреди полуфиналните двојки во фудбалскиот куп на Македонија. Меѓу четирите најдобри се три прволигаши и еден второлигаш, бранителот на трофејот Силекс. Од полуфиналистите три се радувале на купот, а единствено најмладиот учесник во завршницата Струга Трим Лум нема титула.

Стружани на пат кон првото финале за противник ќе ја имаат екипата на Македонија Ѓ П, која по четврти пат ќе се обиде да се пласира во финалето и да се бори за вториот куп трофеј. Во второто полуфинале двојниот освојувач Пелистер ќе се бори за шесто финале, против тимот на Силекс, кој има три трофеи во вкупно 4 финални мечеви.

Согласно пропозициите, ќе се игра само по еден натпревар, закажан на 20-ти април, а домаќини се Струга и Пелистер. Победниците ќе се пласираат во финалето, планирано еден месец подоцна, на 20-ти мај на националната арена „Тодор Проески“.