Новите 100 милиони евра кредити ќе ја заживеат економијата
07.04.2014 17:06
Во втората половина од годината економистите очекуваат новата транша евтини кредити да им помоге на компаниите да инвестираат во нови производни линии и да се почитува законот за финансиска дисциплина...
Новите 100 милиони евра наменети за бизнисот ќе ја заживеат економијата. Во втората половина од годината економистите очекуваат новата транша евтини кредити да им помоге на компаниите да инвестираат во нови производни линии и да се почитува законот за финансиска дисциплина .
„Поголемиот дел од кредитите ќе се користат за нови инвестиции, што значи отварање на нови работни места, а помалце за обртни средства. Тој однос да биде поволен за државата, би бил 70-30“, изјави Мирче Чекреџи, земник претседател на Сојуз на стопански комори.
Менаџерот Антевски вели дека евтините кредити биле спас за фирмите во време на криза. Со парите купиле нови машини, кои пак им донеле профит.
„Меѓу првите ќе се појавиме да земеме нов кредит, а со тој нов кредит, бидејќи стариот истекува, да купиме нови машини и да бидеме поконкурентни на пазарот“, веле Аце Антевски, генерален директор на Раде Кончар-Сервис.
Новите 100 милиони евра од Европската инвестициска банка се наменети за малите и средни претпријатија, нивната камата е 5,5%.Досега беа искористени три кредитни линии во вредност од 250 милиони евра. Со парите се поддржаа повеќе од 1.000 проекти, а се овозможи и отворање на околу 5.000 работни места.
Дијана Ценевска