Најмалку 121 загинат во поплавите и свлечиштата во Филипините

Најмалку 121 лице загина при лизгање на земјиште и поплави на Филипините, предизвикани од бурата Меги.

Повредени се над 240 лица, додека над 200.000 жители се раселени. Бурата оштети куќи и инфраструктура. Се проценува дека штетите се во висина од 2.6 милиони американски долари.

Во спасувачка акција по тропската бура е вклучена и војската. Бурата Меги е прва што годинава го зафати архипелагот.