Зеленски: Можно е Путин да употреби нуклеарно оружје, бидете подготвени

Украинскиот претседател Володимир Зеленски во изјава за Си-Ен-Ен предупреди дека сите земји во светот треба да бидат подготвени за можноста рускиот претседател Владимир Путин да употреби тактичко нуклеарно оружје во војната против Украина.

Во интервју од кабинетот на претседателот во Киев, Зеленски рече дека Путин може да се сврти кон нуклеарно или хемиско оружје бидејќи не ги цени животите на Украинците.

Не само јас – целиот свет, сите земји треба да бидат загрижени, рече тој.  За нив, животите на луѓето не вредат ништо. И ова веќе не е проблем само за Украина, туку и за целиот свет, оцени украинскиот претседател.