Бензините поскапуваат за 1,5, дизелот за 2,5 денари за литар
Со одлуката се врши зголемување на малопродажните цени на нафтените деривати во просек за 1,9 отсто.
Бензините од ноќеска на полноќ поскапуваат за 1,5 денар за литар, а цената на дизелот се зголемува за 2,5 денари за литар, одлучи денеска Регулаторната комисија. Со одлуката се врши зголемување на малопродажните цени на нафтените деривати во просек за 1,9 отсто.
Новата малопродажна цена на Еуросупер БС-95 ќе изнесува 81,5 денари за литар, Еуросупер БС-98 ќе се продава за 83,5, а Еуродизел за 82,5 денари за литар. Малопродажната цена на Екстра лесното масло за домаќинство се зголемува за два денара и ќе се продава за 80,5 денари за литар. Се зголемува и малопродажната цена на Мазутот М-1 НС и ќе изнесува 51,599 денари.
Како причина за зголемувањето на малопродажните цени на нафтените деривати од РКЕ ги посочуваат зголемените референтни цени на нафтените деривати на светскиот пазар во изминатите седум дена, како и повисокиот курс на доларот во однос на денарот.