По успехот на јуниорската репрезентација прием во АМС

По повод остварениот пласман на ЕП за јуниори кое ќе се одржи во Австрија, ракометната репрезентација на Македонија до 20 годишна возраст беше на прием кај директорот на Агенцијата за млади и спорт, Мајран Спасески. 

Покрај честитките за големиот успех на селекторот Зоран Петковски и на младите ракометари, директорот Спасески истакна дека пласманот на Европското првенство претставува ушта поголема сатисфакција поради тоа што е изборен со стопостотен учинок со три победи против Италија, Грција и Исланд, по што конечно по 10 години, младите ракометари одново ќе играат на Европско првенство.

Тоа е доказ дека Македонија не треба да стравува за ракометната иднина,  затоа што во овој состав се наследниците на актуелните звезди Кире Лазаров, Наумче Мојсовки, Филип Миркуловски, Ванчо Димовски и другите сениорски репрезентативци.

Селекторот Зоран Петковски и младите репрезентативци се заблагодарија за приемот, и додадоа дека ќе дадат се од себе од Европското првенство да се вратат со едно од првите три места.