Македонија Ѓорче Петров и Силекс во финале

Минатата сезона го освои купот, па испадна во втора лига, сега како второлигаш, Силекс ќе го брани трофејот. И фудбалерите на Македонија Ѓорче Петров ќе играат за вториот по вредност пехар во македонскиот фудбал.

Како второлигаш и веројатно иден прволигаш, Силекс во Битола го совлада прволигашот и од следната сезона второлигаш, Пелистер со 1:0. За кратовци ова ќе биде петто финале, откако го освојуваа трофејот во 1994, 1997 и 2021-та година, а беа поразени во 1995-та.

Македонија, пак, со 4:2 на пенали, откако по 90 минути беше 0:0, славеше како гостин против Струга ТЛ. Ѓорчепетровци четврти пат ќе играат за куп – пехарот што го освојуваа во 2006-та, а губеа во финалињата во 2009-та и во 2019-та година.

Финалето ќе се одигра на 20-ти мај во Скопје на Арената Тодор Проески