Голем пожар во руски воен институт, две лица се загинати

Две лица загинаа во пожар во Централниот истражувачки институт на силите за воздушна одбрана во рускиот град Твер, едно лице се води како исчезнато, а 20 се повредени. Според претходните информации, некои луѓе страдале од вдишување чад, додека други добиле повреди откако скокнале од прозорците за да избегаат од пожарот.

Пожарот почнал на вториот кат и зафатил околу 1.000 квадратни метри. Сè уште не е локализиран. Според првичните информации, пожарот настанал поради дефект на електричната мрежа.