Џафери: Украина ќе добие помош во зависност од потребите

Претседателот на Собранието, Џафери, по враќањето од посетата на Киев и средбата со украинскиот претседател Зеленски, рече дека Украина ќе добие различен вид помош од Македонија, во зависност од потребите кои подоцна ќе бидат определени, а ако треба и воена. За неговото патување во Киев рече дека ги известил претседателот и премиерот.

Тој напомена дека како Собрание ќе размислат за дефинирање на состојбите во Укриана по однос на злоделата кои што се направени таму.

„Како држава сме приклучени кон сите мерки и обврски кои ги презема Европската Унија како поддршка на Украина. Подготвеноста за поддршка од кој било аспект не е само личен став на претседателот на Собранието, туку е обврска на државата која е членка на НАТО и кандидат за влез во Европската Унија. Мислам дека како Собрание треба да размислиме за дефинирање на состојбите во Укриана по однос на злоделата кои што се направени таму“, нагласи Џафери.