На голем петок во манастирот „Свети Архангел Михаил“
Вековна е традицијата на голем или источен петок, првиот по Велигден, да се биде на манастирот „Свети Архангел Михаил“ под Марковите кули во Прилеп. И на гости во најстарата населба Варош со најголемите средновековни панаѓури. Манастирот ја чува тајната за изворот со лековитата вода..
На Источен, Голем петок, прв по Велигден, на Варош под Марковите кули и во манастирот „Свети Архангел Михаил“. Бројни верници и посетители стигнаа да се помолат за здравје и радост, да земат вода од лековитиот извор. Традициите и верувањата остануваат.
Со балкански познати панаѓури од средновековието, со верувањето за 77-те цркви, најстарата прилепска населба на Голем петок ширум ги отвора портите за гостите, за патниците. Со пандемијата уште повеќе недостасуваат средбите.
Манастирот од 12-ти век плени со посебноста.
Елизабета Митревска