100 дена на новата Влада изминаа во тешки  предизвици предизвикани од пандемијата и војната во Украина, предизвикувајќи економска криза  во која не заборавивме никого, рече потпретседателот на СДСМ и вицепремиер, Фатмир Битиќи.

И во вакви околности преку социјален дијалог успеавме да ја зголемиме минималната плата, да создадеме долготраен модел за постојано усогласување на пензиите и стапивме во дијалог со синдикатите за усогласување на платите.

Оваа влада донесе низа мерки за помош на граѓаните во енергетска и економска криза. И како партија и како влада остануваме посветени на курсот на подобрување на животниот стандард и во поддршката на работничките права и враќањето на регресот во општиот колективен  договор, рече на прес конференцијата Битиќи.

Тој посочи дека  го поддржува првомајскиот протест на работниците бидејќи тоа е нивно право за достигнување на достоинствено ниво на живот.