ЕУ може да воведе забрана за увоз на руска нафта

До крајот на годинава, Европската Унија може да воведе забрана за увоз на руската нафта – најавија двајца дипломати по разговорите на Еврокомисијата и земјите-членки за време на минатиот викенд.

Брисел подготвува шест пакети санкции против Москва како одговор на инвазијата во Украина, којашто Русија ја нарекува „специјална воена операција“.

Се очекува со мерките да бидат опфатени нафтата, банките на Русија и Белорусија, како и повеќе поединци и компании.