Израелската полиција се судри со Палестинците во светилиште во Ерусалим

Нови судири меѓу Палестинците и израелската полиција на свето место во Ерусалим кое е повторно отворено за еврејските посетители.

Палестинските медиуми објавија дека израелските сили ги растерале Палестинците со солзавец.

Ридот на храмовите, како што светилиштето го нарекуваат Евреите беше затворен од 21-ви април до крајот на Рамазан, во согласност со долгогодишната политика за забрана на немуслиманите да влезат во светилиштето во последните денови од муслиманскиот пост.