Ден на Европа и Ден на победата над фашизмот
Премиерот Ковачевски ќе учествува на одбележување на 9 мај – ден на победата над фашизмот и ден на Европа. Со почеток во 9:45 часот премиерот ќе положи цвеќе пред споменикот „Ослободители на Скопје“ во дворот на Владата и ќе се обрати на пригодната свеченост.
Европските земји денеска го слават Денот на Европа и Денот на победата над фашизмот, во сеќавање на почетокот на создавањето на Европската Унија и завршувањето на Втората светска војна во Европа во 1945 година.
Годинава се навршуваат 77 години од крајот на Втората светска војна и 72 години од покренувањето на иницијативата за создавање на Европската Унија.
Во земјите на ЕУ, особено е важен Денот на Европа, што означи пресвртница во односите на европските земји, но и отворање пат кон создавање заедничка држава на континентот. Во Русија пак, фокусот е на прославата на Денот на победата во Втората светска војна.
Денот на Европа е востановен во знак на сеќавање на декларацијата на францускиот министер за надворешни работи, Роберт Шуман од 1950 година. Тоа се смета за прв официјален чекор во создавањето на ЕУ.
Премиерот Ковачевски ќе учествува на одбележување на 9 мај – ден на победата над фашизмот и ден на Европа. Со почеток во 9:45 часот премиерот ќе положи цвеќе пред споменикот „Ослободители на Скопје“ во дворот на Владата и ќе се обрати на пригодната свеченост.