Нови најави за пругата кон Бугарија
До втората половина на јуни ќе почне изградбата на првите две делници од Куманово до Бељаковце и од Бељаковце до крива паланка. Надлежните најавуваат нови инвестиции во инфрастуктура. Со ребалансот на буџетот ќе бара дополнителни 300 милиони денари за доизградба на гасоводната мрежа...
Првиот човек на железници – инфраструктура, Хари Локвенец, рече дека до втората половина на јуни ќе почне изградбата на првите две делници од Куманово до Бељаковце и од Бељаковце до Крива Паланка. Првата фаза, според проценките, треба да заврши со крајот на идната година, а целата пруга сега се очекува да се финализира во 2027 година.
Надлежните најавуваат нови инвестиции во инфрастуктура. Министерството за транспорт и врски со ребалансот на буџетот ќе бара дополнителни 300 милиони денари за доизградба на гасоводната мрежа.
Но, инфраструктурата треба и да се одржува. Надлежните признаваат дека железницата честопати е мета на крадци, а штетите се огромн, и од финансиски аспект и од аспект на безбедноста и сигурноста во железничкиот сообраќај.
Само изминатава недела имало 5 кражби.
Ана Ј. Тодоровска