Субвенции за опрема за тутунопроизводство
Тутунарите со помош на субвенциите од програмата за рурален развој можат да набават опрема за производство на тутунот. Поддршката изнесува најмногу до 4,5 милиони денари по корисник. Пријавувањето е во тек и ќе трае до 20-ти мај...
Со најмногу до 4 и пол милиони денари годинава ќе се ко-финансираат тутунарите кои сакаат да инвестираат во опрема за преработка на тутунот.
Субвенцијата се исплаќа по принципот на ко-финансирање од 50 до 75 проценти, на годишно ниво по реализацијата на инвестицијата.
Право на користење на оваа мерка од Програмата за рурален развој за 2 и 22 имаат земјоделските стопанства запишани во регистарот што го води Mинистерството за земјоделство.
Средствата се доделуваат за период за реализација на инвестицијата на деловниот план и се исплаќаат на годишно ниво.
Апликациите се пополнуваат електронски, со податоци за инвестицијата и локацијата, потоа се печатат и заедно со потребната документација се доставуваат до платежната агенција.
Барањата се бодуваат, а оние со ист број бодови се рангираат според времето и датумот.
Земјоделците можат да поднесат само едно барање за една мерка или најмногу 2 од другите мерки од програмата за рурален развој.
Јавниот повик трае до 20-ти мај годинава.
Методија Трајков