Антиќ не играше, Индијана повторно лидер на Истокот

Нашиот интернационален не настапи во триумфот на Атланта против Бостон, со што Хокс си ги зголемија шансите за плеј-оф. Најверојатниот противник на Антиќ во доигрувањето, ќе му биде составот на Пејсерс.

 

Во последните 5 меча од регуларниот дел од сезоната, Атланта треба да се избори за 8 позиција на Истокот. Првата пречка е помината, со победа против Селтикс 105:97. Тимот на Хокс го предводеше Тиг, со 19 поени. Милсап имаше дабл-дабл со 14 поени и со 12 скока. Антиќ не играше поради болки во десниот скочен зглоб, но според информациите од Атланта не се работи за ништо посериозно.

 

За Атланта е битно и кој ќе биде на првата позиција во Источната конференција, затоа што таа екипа ќе биде противникот на Хокс во првото коло од доигрувањето. Индијана победи против Милвоки со 102:104, шампионот Мајами загуби од Мемфис со 107:102, со што Пејсерс повторно водат на Истокот.

 

На западот, Оклахома го совлада тимот на Клиперс, за нови возбудувања и супер најава за плеј-оф пресметките во Западната конференција.

 

Резултати:

 

Атланта – Бостон 105:97

Милвоки – Индијана 102:104

Мемфис – Мајами 107:102

 

Клиперс – Оклахома 101:107

Портланд – Сакраменто 100:99

Денвер – Хјустон 123:116

Орландо – Бруклин 115:111

Торонто – Филаделфија 125:114

Кливленд – Детроит 122:100

Минесота – Чикаго 87:102
Вашингтон – Шарлот 88:94(ОТ)

 

Њу Орлеанс – Феникс 88:94