ОН: Се прават напори да се овозможи извоз на житарки од Украина

Генералниот секретар на Обединетите Нации, Антонио Гутереш се обидува да најде решение со Русија, Турција и со уште неколку држави, за да се отвори украинскиот извоз и да се избегне недостиг од храна во светот.

Гутереш ја замолил Москва да дозволи извоз на житарки од Украина, а за возврат ќе се овозможи извоз на руски и белоруски ѓубрива.

Според дипломати, Русија засега не делува како да сака да се договори. Турција изразила подготвеност да учествува во постигнување договор.