Театарски фестивал посветен на Петре Прличко
Велес му оддава почит на Петре Прличко, со нов театарски фестивал именуван „5ре“, годинава со претстави кои се од жанрот комедија. На фестивалот ќе биде врачена и актерската награда за животно дело „Петре Прличко“ на Игор Џамбазов…
Велес доби нова културна манифестација, нов театарски фестивал, посветен на Петре Прличко. Фестивалот е насловен „5ре“ и е посветен на актуелната театарска продукција во земјава и има ревијален карактер. Годинава тој е посветен на жанрот комедија.
Фестивалот ќе започне четврток вечер, ќе трае десет дена и ќе бидат прикажани шест претстави на сцената на Велешки театар, една на отворено и во придружната програма две детски претстави. Во рамките на театарскиот фестивал „5ре“ на отворањето ќе биде врачена актерската награда Петре Прличко на годинашниот добитник, Игор Џамбазов.
Основач и покровител на фестивалот е Општина Велес која и го финансира, а организатор е здружението со делегирана надлежност „Плус публика“-Велес.
Петар Печков