Одложено рочиштето против тројцата лекари од Струга кои се товарат за несовесно лекување

Одложено првото рочиште на судскиот процес, кој денес требаше да започна во струшкиот суд против тројцата лекари, кои се товарат за несовесно лекување и извадиле повеќе органи на родилката од Дебар.

Рочиштето се одложи, поради отсуство на обвинетите. Веапоска, оштетената родилка која при царски рез остана без матка, јајници и бубрег, вели две години преживува пекол и агонија. Сè уште е под медицинска терапија и со нетрпение ја чека правдата.

„Докторот се брани со тоа дека совеста му била чиста и не направил ништо ми спасил живот. Но, каков живот ми спаси кога јас сум половина човек јас сум без органи и каква чесност има тој доктор. Како ќе ме погледне мене во лице. Треба да му се одземе лиценцата за работа и да не работи веќе да не осакатува други жени“, вели Јилдз Веапоска, оштетена.

Овде е кривично дело несовесно лекување на болни, максималната казна е до пет години. Скратена е постапката, судот си ја знае својата работа, очекуваме позитивен исход односно за оние кои го сториле кривичното дело да одговараат по законот, изјави Сашо Јанев адвокат на оштетената.