Пекинг тестира милиони поради заразени со коронавирус во бар

Пекинг тестира милиони луѓе поради неколкумина заразени со коронавирус во бар, познат по евтин алкохол. Масовно тестирање се спроведува и во поголемиот дел од Шангај, откако минатата недела беа пријавени три локални инфекции меѓу работниците во салон за убавина.

„Бидејќи во заедницата има повеќе од 2.000 жители, имавме 2 до 3 точки за тестирање. Со помош на волонтери сакаме да го завршиме скринингот што е можно поскоро, па додадовме уште едно место, вкупно 4 места за проверка“, изјави раководителот за тестирање во станбена област.

Во областите каде што не се пријавени позитивни случаи продолжува олеснувањето на ограничувањата.